Aukalyklar

Hvort sem um ræðir húsnæði, farartæki eða öryggisskápa þá mælum við eindregið með því að fólk eigi aukalykil. Bæði getur skapast mikið vandamál ef eini lykillinn glatast og kostnaður við að gera nýjan verður meiri en ella. Hvað bíllykla varðar er snjallt að eiga aukalykil (þess vegna án fjarstýringar) þar sem upplýsingarnar um heila lykilsins eru geymdar þar. Svona nokkurn veginn eins og að eiga afrit af hörðum diski. Þá er alltaf ódýrara að framleiða nýjan lykil út frá aukalyklinum en ef allir lyklar hafa glatast. Lítið við í verslun okkur að Skemmuvegi 4, blá gata (fyrir neðan BYKO) og fáið ykkur aukalykil.


Bíllyklar

Ert þú einn af öllum þeim bifreiðaeigendum sem á bara EINN lykil að bílnum? Það er oft mikið dýrara að fá lykil þegar allir lyklar eru týndir, fyrir utan óþægindin sem því fylgir.

Við getum smíðað og forritað flestar gerðir bíllykla auk þess að bjóða upp á sérpantanir á lyklum með fjarstýringum, á góðu verði.

Ef þú skyldir nú samt vera svo óheppin(n) að týna síðasta lyklinum þá getum við líka smíðað nýjan lykil, komið á staðinn og forritað hann, yfirleitt samdægurs. Hér er beiðni til að fylla út ef allir lyklar eru týndir.


Breyting á svalahurðalæsingu I

Hér fyrir neðan er sýnt hvernig hægt er að breyta algengri læsingu á svalahurð í læsingu með snerli, sílinder og innbrotajárni og lamalæsingu sem auka vörn. Smelltu á myndirnar til að sjá hvernig hægt er að gera þetta skref fyrir skref. Timburstykkið (ramminn) þarf þó að vera um 9-10 cm breitt svo hægt sé að koma láshúsi fyrir í hurðablaðinu. Einnig er hægt að kaupa húnasett með snerli að innan og lykillæsingu að utan sem passar í gömlu svalahurðaskránna (þá þarf ekki að fræsa úr eins og hér er sýnt), sjá pkt svalahurðalæsing II hér að neðan.

Heyrið í okkur í síma 510-8888 (velja 3) og athugið hvernig við getum aðstoðað.


Breyting á svalahurðalæsingu II

Þetta húnasett er hægt að fá uppsett hjá okkur fyrir þá sem vilja auka öryggi sitt á jarðhæð eða svölum.  Læsist með snerli að innan og lykli að utan og króklæsingar gömlu þriggja punkta skránnar virka enn þá. Hentar þar sem ekki er pláss fyrir hefðbundið láshús í breidd timburs við hlið rúðu. Nokkur vinna er að setja þennan búnað í og er hann ekki seldur í lausu, aðeins með uppsetningu.

Heyrið í okkur í síma 510-8888 (velja 3) og athugið hvernig við getum aðstoðað eða sendið skilaboð hér fyrir tilboð.


Læsingar og haustin

Eftir gott sumar er haustið að bresta á, rykið í loftinu er búið að setjast inn í sílendra og læsingar, rakinn sem kemur svo með haustinu er ekki góð blanda til að leyfa að frjósa saman inni í læsingunum. Komdu við hjá okkur og náðu þér í góða lásaolíu sem heldur lásabúnaðinum liðugum.

Athugið, sum “olía” er ekki góð til smurningar heldur virkar sem olía í stutta stund en þornar svo upp. Hér er hlekkur á olíu í vefverslun okkar sem við mælum með.

Við höfum notað Prolong olíuna í mörg ár og erum ánægð með hana.

Óheimil innganga

Lásar hafa lengi haft plastskilti til sölu í verlsun og í lásabíl sem ætlað er til notkunar á eignum þar sem innganga er óheimil. Á bak við plastskiltið, sem fest er fyrir aftan rósettu og hún, er límmiði með símanúmeri og texta sem segir: Hér á má lásasmiður ekki opna nema að fengnu leyfi í síma…


Peningaskápar

  • (a) Ein almenn regla fyrir peningaskápa: ef peningaskápur er farinn að haga sér öðruvísi en hann á að sér ekki loka honum. Kannið hver ástæðan er, leitið til okkar og spyrjið ráða
  • (b) Ef skápurinn er með snúningsskífu – ekki þeyta henni til, það getur breytt tölunum og ekki verður hægt að opna skápinn á eðlilegan hátt.
  • (c) Ef skápurinn er með lykillás – ekki beita afli við að snúa lyklinum, það á ekki að þurfa og getur bæði brotið lykilinn og eyðilagt lásinn. Gott er að eiga aukalykil
  • (d) Ef skápurinn er með stafrænum lás er gott að skipta reglulega um númer. Þegar sama númerið er notað ár eftir ár þá slitna þær tölur á lyklaborðinu og verða á endanum ónothæfar. Ef svo er komið að einhver tala er leiðinleg í notkun þá er rétt að skipta um tölur á skápnum STRAX og nota þá tölur sem ekki voru í notkun áður.
  • (e) Lásar ehf eiga úrval nýrra öryggisskápa á lager. Af og til eigum við einnig til notaða skápa. Notaðir peningaskápar hjá okkur eru alltaf í miklum gæðum, annars væri ekki hægt að gefa þeim endurnýjun lífdaga.

Tegund sílindera

Tegund sílindra er margsskonar og því mikilvægt að biðja um rétta gerð þegar óskað er sílindraskipta.

Hér á eftir fara nokkrar algengustu gerðanna.

Venjulegur ával, þeir eru til stuttir og langir en í dag er alltaf settur langur


Prófílsílinder, þessir eru til í ótal útgáfum, myndirnar sýna hvernig þeir eru mældir, þeir eiga ekki að standa mikið útúr hurðinni og því á aldrei að mæla sílinderinn sjálfann nema hann passi akkúrat. Ef það er snerill að innan þá er hann tekinn í seinni mælingunni. T.d. 35/40sn (35mm að utan og 40mm að innan, þar sem snerillinn er)


Skrúfaður sílinder, ekki mjög algengur hér en kemur þó fyrir, sérstaklega í álhurðum og svo gömlu harðviðarhurðunum. Þar sem þessar tvær gerðir eru ekki eins (og til fleiri) þá þarf að skoða það frekar.


Smekklássílinder, lásinn sjálfur er innan á hurðinni, algengt í eldri hurðum.


Hér að neðan er mynd sem sýnir hvernig hægt er að mæla lengd á prófílsílinder. Gerðum líka myndband sem sjá má með því að ýta hér.

Myndin sýnir hvernig hægt er að mæla prófílsílinder / eurosílinder.

Uppsetning á sílinder

Hér koma leiðbeiningar hvernig hægt er að skipta um ávalan sílinder.

  1. Skrúfið sneril af á innanverðri hurðinni. Síðan þarf að losa skrúfurnar tvær í enda sílinders.
  2. Gamli sílinder tekinn úr og sá nýji settur í, skrúfur festar í enda sílinders.
  3. Mikilvægt er að vera með rétta stærð af rósettu utan um sílinderinn en hann ætti ekki að standa nema um 2 mm út fyrir rósettu.
  4. Skrúfið rósettuna fasta og gangið frá snerli aftur að innanverðu.
Ávalur skandinavískur sílinder.

Leiðbeiningar hvernig hægt er að skipta um prófíl sílinder:

  1. Það er skrúfa á endanum á láshúsinu sem er í svipaðri hæð og neðsta brún sílinders, losaðu og taktu þessa skrúfu úr.
  2. Togaðu í snerilinn til að draga sílinderinn úr hurðinnni, á sama tíma þarft þú að snúa aðeins upp á hann þar til þú finnur að sílinderinn byrjar að togast út, haltu þeirri stöðu á snerlinum og haltu áfram að toga út.
  3. Settu hinn sílinderinn í, í þetta sinn getur þú miðað við að flipinn sé ekki fyrir á leiðinni.
  4. Skrúfaðu skrúfuna aftur í (hægt að nota sömu skrúfu aftur).
Prófílsílinder (stundum kallaður Euro sílinder líka). Hér sýndur án snerils.

Vissir þú

…að þú þarft ekki að vera með marga lykla að eigninni þinni, við getum samraðað sílendrum af flestum gerðum.

…að ef þú notar bara fjarstýringuna til að opna og loka bílnum, en ekki lykilinn, þá er ekki víst að þú komist inn í bílinn þegar fjarstýringin bilar.

…að við bjóðum ráðgjöf varðandi lásbúnað heimilisins og fyrirtækisins (panta t.d. hér)

Lásar bjóða upp á þjónustu og uppsetningum á hurða- og lásbúnaði á stór Höfuðborgarsvæðinu.

…að þegar þú tekur við nýju eða notuðu húsnæði eru yfirgnæfandi líkur á því að þú hafir ekki fengið alla lykla afhenta.

Veistu hverjir hafa aðgang að húsnæðinu þínu?

…að þegar hurð með hurðapumpu skellur fast að stöfum, eða lokast alls ekki, er pumpan ekki endilega biluð eða ónýt, við komum og stillum pumpuna.

Við bjóðum upp á hurðapumpur frá DormaKaba.

… að með því að nota höfuðlyklakerfi kemst þú hjá því að óviðkomandi geti látið smíða aukalykil að eign þinni.

Með lyklakerfi kemstu hjá því að kippan sé svona stór.

Þriggja punkta skrá

Er orðið erfitt og stíft að loka, læsa eða opna hurðina?
Er 3-punkta skrá í hurðinni (sjá mynd)?

Dæmigerð þriggja punkta skrá.

Ef þú getur svarað báðum spurningum með JÁ þá þarf að laga sem fyrst, að bíða með það getur kostað margfalt meira. 
Lásar-Neyðarþjónustan getur útvegað flestar gerðir af skrám og veitir uppsetningu og ráðgjöf 510-8888.